Bayii Lọwọ Ṣikun Awọn Ajọ EFCC Ṣe Ba Saleh Mamman Lẹyin Ti Ile-ẹjọ Fi Ṣọwọ Ṣẹwọn Ọdun Marundinlọgọrin
Ọwọ ṣikun awọn ajọ to n risi ṣiṣe owo kumọkumọ lorilẹede Naijira (EFCC) ti tẹ Minisita fun oun amuṣagbara tẹlẹri nilẹ wa, Saleh Mamman lẹyin ti ile-ẹjọ giga dajọ ẹwọn ọdun marundinlọgọrin.
Ajọ EFCC ti jade tan bayi pẹlu bii ọwọ wọn ṣe tẹ Mamman lẹyin ọpọlọpọ ọsẹ iṣẹ iwadi ọpọlọ. Ajọ naa tun fi ọwọ ofin gbe awọn eeyan meji ti wọn gbe pamọ nigba to n sa fun ijọba.
Mamman ni wọn ju si gbaga lori ẹsun mejila to da le ṣiṣe owo ilu kumọkumọ ni iye to to ọgbọn biliọnu le ni ẹsun mẹjọ owo ti ijọba ya sọtọ fun akanṣe iṣẹ ina Mambilla ati Zungeru.
Gẹgẹ bii awọn kan ninu ajọ naa ṣe sọ, wọn dẹ awọn silẹ fun lẹyin ti ile-ẹjọ dajọ fun ko to di pe wọn pada mu nilu Kaduna nipa ṣiṣọ ẹrọ ibanisọrọ.
Ajọ EFCC latẹnu Oludari ajọ naa, Ola Olukoyede ni wọn ti kede fifi ọwọ ofin mu Mamman lana ni nkan bi aago mẹta aabọ oru nilu Kaduna.
Olukoyede ṣapejuwe fifọwọ ofin mu Mamman gẹgẹ bii afihan iṣẹ takuntakun ti ijọba n ṣe lati dẹkun ṣiṣe owo ilu kumọkumọ. O wa tẹnpẹlẹ mọ pe oju awodi awọn ninu ajọ EFCC kale kako yoo si maa mu gbogbo awọn ti wọn ba n ṣe owo ilu kumọkumọ.
Mamman ni wọn yọ l’oye ni ọdun 2021 latari pe ko ṣiṣẹ bii iṣẹ gẹgẹ bii Minisita fun oun amuṣagbara. Ajọ EFCC kọkọ gbe ninu oṣu karun-un ọdun 2021 ko to di pe wọn fi ẹsun mejila kan ni ọjọ kọkanla ọdun 2024.
